永隆体育网赛事分析百家贴士浏览文章
歐聯:紅軍爭出線做大事_東方日報
2023/12/1 17:51:02
歐霸慣半力作戰以攻代守
今晚歐霸盃E組關鍵戰,英超利物浦主場迎戰寧斯。「紅軍」雖然排緊小組榜首,但仲未確定取得首名直接出線席位,況且佢哋歐霸慣常半力出擊,容易失波,主場必以攻代守;奧地利球隊寧斯有前冇後,隨時合演入球騷,3.5球大盤咪錯過。

(Now 643周五凌晨4時直播)
利物浦小組頭3輪全勝,原本上輪對圖盧茲贏埋就可晉級,點知佢哋竟然輸2比3,唔單止未能提早出線,依家只領先圖盧茲2分,連首名都未穩陣。不過若然佢哋今晚擊敗寧斯,就可憑較佳對賽成績力壓圖盧茲(首循環贏5比1,次循環輸2比3),鎖定E組首名直接出線,相信唔會hea踢。

不過利物浦重心點都放喺聯賽,今屆歐霸主帥高普經常採取輪換,以部分主力帶住副選或小將出戰,既可保持戰鬥力,亦可等較少上陣嘅球員披甲保持狀態,但班球員夾得少難免會有甩漏,頭4輪歐霸只得一場冇失波,其中3場開4球或以上,明顯係以攻代守。

寧斯踢法開放利入球騷
另邊廂,寧斯依家排緊包尾,但只落後第3位嘅聖基萊斯聯1分,而且對賽成績較佳(首循環輸1比2、次循環贏3比0),仲有機會爭取第3位轉戰歐協聯。佢哋頭4輪只得1勝3負,不過場場有波入踢法開放,作客隨時同「紅軍」鬥攻,3.5球入球大捧得過。

声明:本网资讯仅供体育爱好者浏览、购买中国足彩参考之用。任何人不得用于非法用途,否则责任自负。本网所登载广告均为广告客户的个人意见及表达方式,和本网无任何关系。
链接的广告不得违反国家法律规定,如有违者,本网有权随时予以删除,并保留与有关部门合作追究的权利。